آتالار سوزو

آج تويوخ يوخيسندا داري گورر
دالدان آتيلان داش تو پوخدان دئيير
اوركن نه قدر اوزون اولسادا دوغاناقدان كئچر
ايت هورر كاروان كئچر
ال الي يووار الده اوزو
دوز يولون يئريه بيلمير شخمليقدا شلتاق آتر
قاشيني قائيران دئيردي ووردي گوزيني چيخاردي
بيچاق دسته سيني كسمز
ايلان هر يئرده ايري گئتسه اوز يوواسينا دوز گئدر
باخار گوزگيه آديني قويار اوزگيه كچل
اوينياندا قار ياغار دووه
پيشيگين آغيزي اته چاتماز دئير منداردي
بير ساعتدي تنبكي يانير الان دئير نه توستيسيدي
باغدا اريك واريدي سلام عليك واريدي باغدان اريك كوتاردي سلام عليك كوتاردي
گلين اوينيا بيلمز دئير اتاق ايريدي-
16-گلين اوجاقا گلر
قوناق قوناقي ايسته مز ائو ييه سي هر اكيسيني
تزه يونجا ائششگه باش آغريسي گتيرر
سره دن قالان قوتور اولار
ائل گوجي سئل گوجي
درمانچي آجينان اولير كووزه (درمانچينين سهمي ) گوتيرمير
خياطين اگر اينه سينن ساپي ائتمه سيدي گونده اون دست كت شلوار تيكردي
كچلين آديني قوياللار زلفعلي كورين آديني قوياللار نورعلي
كور توتديقيني بور آخماز شش
-اوجوزدي اتين شورباسي اولماز
الله ايكي يومروغو بير باشا وورماز
بوننان فاتيا تومان اولماز
سو آخيب يولون تاپار
قازان هللنيب قاپاغين تاپار
قازان قازان ديير ديبين قارادي

دنيز قيزي

يولونو گؤزله ديم بو سونسوز گئجه
توكه ندي اومودوم قيريلدي هئييم
دؤرد دووار ايچينده يانديم آليشديم
هايانا اوز قويوم - هاياندان دئيم
*****
اولمايا قار ياغيب يولونو كسدي؟!
اولمايا گه لنده دومانا دوشدون؟!
ديليمده آجي بير قوشما ته له سدي
بلكه ده سارسيليب گومانا دوشدون
*****
بو گئجه لحظه لر ايلله شير منه
قاريشير شعريمين قاراسي ، آغي
ماوي لر قاراليب زيلله شير منه
گه زيره م آردينجا ، آراني ، داغي
*****
بو گئجه نه يامان اوزون گئجه دير؟!!!
گؤزومده يول آزير،ياتا بيلميرم
سيخير اوره گيمي هيچقيريقلاريم
اؤزومده - اؤزومه چاتا بيلميرم
*****
يوخودان آل مني ، آپار دنيزه
سنه قوربان اولوم آي دنيز قيزي
آي گيريب بولودا ، كيم باخير بيزه
سسيمه ، سس وئر ا...ي گؤيون اولدوزو
*****
يولونو گؤزله ديم گه لمه دين نه دن؟
داريخدي شعيريم،داريخدي سؤزوم
آي دا يورقون اولوب آخير زيروه دن
نه اوندا دؤزوم وار نه منده دؤزوم