بیلسن گوزلیم سن نه قدر سئوگیلی جانسان
ظلم ائیله مه قوی سویله مه سینلر جان آلانسان
سوسدورما او گول چهره نی آلدانما رقیبه
اوز قدرینی بیل کی نه قدر ایندی جاوانسان
اغیاره اینانما گوزلیم قورخورام اوندان
چوخ ساده سن هر سؤز کی دیللر اینانانسان
گول دن ده ، چیچک دن ده ، گونش دن ده گوزل سن
سن باغ ملاحت یئتیرن سرو روانسان
گؤردوم یئنه مین نازیله بیگانیه باخدین
چوخ شبهه یه سالدین منی بیلدیم نیگرانسان
گؤر بیر نه گوزل لیکده یئتیرمیش سنی طالع
حسرت چکر عالم سنه مشهور جهانسان
واحید بو قدر سنده کی وار عشق و محبت
دونیا قوجالیب گئتسه چتین سن قوجالانسان

علی آقا واحد

نظرات شما عزیزان:

افسون

ساعت18:15---12 فروردين 1393

- [ایمیل]

سلام منم بچه قولنجی ام وبت خوبه اینم وبلاگ منه اگه خواستی بازدیدش کن
haykelasha.blogfa.com

الهه ناز

ساعت20:40---10 دی 1390

[وب سایت] - [ایمیل]

یاشا قارداش من ارومیه اوشاغی یام

چوخ خوش ایش گوروپسن بو وبلاگه دوزلدیپ سن

ساغول اللر

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: